പ്രേംനസീർ നിർമിച്ച വായനശാല കത്തിച്ചവരെ അറസ്​റ്റ്​ ചെയ്യണം ^രമേശ്​ ചെന്നിത്തല

പ്രേംനസീർ നിർമിച്ച വായനശാല കത്തിച്ചവരെ അറസ്റ്റ് ചെയ്യണം -രമേശ് ചെന്നിത്തല തിരുവനന്തപുരം: ജന്മനാട്ടിൽ പ്രേംനസീർ നിർമിച്ച വായനശാല തീയിട്ട് നശിപ്പിച്ച സാമൂഹികവിരുദ്ധരെ അറസ്റ്റ് ചെയ്യണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. വായനശാലയിലെ മുറികളിലായി ഉണ്ടായിരുന്ന ലക്ഷക്കണക്കിന് രൂപ വിലവരുന്ന പുസ്തകങ്ങളും കളിക്കോപ്പുകളും കത്തിനശിച്ചു. കത്തിനശിച്ച കെട്ടിടത്തി​െൻറ സ്ഥാനത്ത് പുതിയ കെട്ടിടം നിർമിച്ച് പ്രേംനസീറി​െൻറ സ്മരണ നിലനിർത്തുന്ന ഡിജിറ്റൽ ലൈബ്രറിയും ഡിജിറ്റൽഫിലിം ക്ലബും ആരംഭിക്കണമെന്നും അദ്ദേഹം ആവശ്യപ്പെട്ടു. ലോകത്ത് ഏറ്റവും കൂടുതൽ നായക നടനായി അഭിനയിച്ചതിലൂടെ ഗിന്നസ് റെക്കോഡ് നേടിയ പ്രേംനസീറി​െൻറ എല്ലാ സിനിമകളും സൂക്ഷിക്കാൻ ഇവിടെ സംവിധാനം ഒരുക്കണമെന്നും അദ്ദേഹം പറഞ്ഞു.