കൊല്ലം: ലോകത്തെമ്പാടുമുള്ള ശ്രീനാരായണ പ്രസ്ഥാനങ്ങളുടെ കൂട്ടായ്മയായ കോൺഫെഡറേഷൻ ഓഫ് ശ്രീനാരായണ ഗുരു ഓർഗനൈസേഷൻസ് സമ്മേളനം 10, 11 തീയതികളിൽ അഹമ്മദാബാദ് സിറ്റിയിൽ നരോദയിലെ ശ്രീനാരായണ സെൻട്രൽ സ്കൂൾ ഒാഡിറ്റോറിയത്തിൽ നടക്കും. ലോകവ്യാപകമായി പ്രവർത്തിക്കുന്ന നൂറിൽപരം ശ്രീനാരായണ പ്രസ്ഥാനങ്ങളുടെ പ്രധാന ഭാരവാഹികൾ വേൾഡ് പാർലമെൻറിൽ സംബന്ധിക്കും. ശ്രീനാരായണ വേൾഡ് കൗൺസിൽ പ്രസിഡൻറ് കെ.ആർ.എസ്. ധരൻ (അഹമ്മദാബാദ് ശ്രീനാരായണ കൾചറൽ മിഷൻ പ്രസിഡൻറ്) അധ്യക്ഷത വഹിക്കും. കേരളം ഉൾപ്പെടെയുള്ള ഇരുപത് സംസ്ഥാനങ്ങളിൽ നിന്നുള്ള പ്രതിനിധികളും അമേരിക്ക, സിംഗപ്പൂർ, ഇംഗ്ലണ്ട്, ഒമാൻ, ദുൈബ, അബൂദബി, ഷാർജ, കുവൈത്ത്, കാനഡ, ശ്രീലങ്ക തുടങ്ങിയ വിദേശരാജ്യങ്ങളിൽ നിന്നുമുള്ള പ്രതിനിധികൾ ഉൾപ്പെടെ ഇരുന്നൂറിൽപരം ഭാരവാഹികൾ പങ്കെടുക്കുമെന്ന് ശ്രീനാരായണ വേൾഡ് കൗൺസിൽ അഡ്വൈസർ എസ്. സുവർണകുമാർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.