വെള്ളറട: ആനാവൂർ ഗവ. ഹയർ സെക്കൻഡറി സ്കൂളിൽ ഓണാഘോഷത്തിന് ശേഖരിച്ച തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി. വിവിധ മത്സരങ്ങൾക്കായി 50000 രൂപ ശേഖരിച്ചിരുന്നു. ഓണാഘോഷ പരിപാടികൾ ഒഴിവാക്കി തുക ദുരിതാശ്വാസ നിധിയിലേക്ക് കൈമാറി. സ്വാതന്ത്ര്യ ദിനാഘോഷ ചടങ്ങിെൻറ ഭാഗമായി നടന്ന യോഗത്തിൽ പ്രിൻസിപ്പൽ സതീഷ് കുമാറും ഹെഡ്മിസ്ട്രസ് കുമാരി ഗീതയും ചേർന്ന് ആനാവൂർ വില്ലേജ് ഓഫിസർ ഷീജക്ക് കൈമാറി. ജില്ല ജഡ്ജി അജിത് കുമാർ യോഗം ഉദ്ഘാടനം ചെയ്തു. പി.ടി.എ പ്രസിഡൻറ് ജസ്റ്റിൻ രാജ് അധ്യക്ഷത വഹിച്ചു. കുന്നത്തുകാൽ ഗ്രാമപഞ്ചായത്ത് പ്രസിഡൻറ് എച്ച്.എസ്. അരുൺ, ബ്ലോക്ക് പഞ്ചായത്തംഗം പാലിയോട് ശ്രീകണ്ഠൻ, പൂർവവിദ്യാർഥി സമിതി അധ്യക്ഷൻ വി. വേലായുധൻ നായർ, പി.ടി.എ വൈസ് പ്രസിഡൻറ് അനിൽകുമാർ എന്നിവർ സംസാരിച്ചു. സ്റ്റാഫ് സെക്രട്ടറി സൗധീഷ് നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.