തിരുവനന്തപുരം: കുമ്പസാരം നിേരാധിക്കണമെന്ന ദേശീയ വനിത കമീഷെൻറ ശിപാർശക്കെതിരെ മലങ്കര ഓർത്തഡോക്സ് സഭ പ്രതിഷേധ ദിനമാചരിച്ചു. ഇതിെൻറ ഭാഗമായി ജില്ലയിലെ പള്ളികളിൽ പ്രതിഷേധ പ്രമേയം വായിച്ചു. രാവിലെ കുർബാനക്ക് ശേഷമാണ് പ്രമേയം അവതരിപ്പിച്ചത്. സഭയുടെ വിശുദ്ധ കൂദാശകളിൽ പ്രധാനപ്പെട്ട ഒന്നായ വിശുദ്ധ കുമ്പസാരം നിർത്തലാക്കണമെന്ന നിർദേശത്തിൽ ശക്തമായ പ്രതിഷേധം രേഖപ്പെടുത്തുന്നതായി പ്രമേയം ചൂണ്ടിക്കാട്ടി. ക്രൈസ്തവസഭകൾ പിന്തുടർന്നു വന്ന വിശ്വാസ പ്രമാണങ്ങളെയും മൂല്യങ്ങളെയും തത്ത്വസംഹിതകളെയും ആദരവോടും സഹിഷ്ണുതയോടും സമീപിച്ചിരുന്ന സമ്പന്നമായ ഭാരതീയ സംസ്കാരത്തിന് കളങ്കം ചാർത്തുന്നതാണ് ദേശീയ വനിത കമീഷൻ നിർദേശം. കൃത്യമായ പഠനമോ വിശകലനമോ, ചർച്ചയോ കൂടാതെ ഏകപക്ഷീയമായും അപക്വവുമായ വിധത്തിൽ സമർപ്പിക്കപ്പെട്ട നിർദേശം തള്ളിക്കളയണമെന്ന് കേന്ദ്രസർക്കാറിനോട് അഭ്യർഥിക്കുന്നതായും പ്രമേയത്തിൽ പറഞ്ഞു. പള്ളികളിൽ വായിച്ച പ്രമേയത്തെ വിശ്വാസികൾ കൈകൾ ഉയർത്തിയും കൈയടിച്ചും അംഗീകരിച്ചു. പ്രമേയം പ്രധാനമന്ത്രിക്ക് അയച്ചു കൊടുക്കാനും തീരുമാനിച്ചിട്ടുണ്ട്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.