തിരുവനന്തപുരം: എസ്. ഹരീഷിെൻറ 'മീശ' നോവല് കത്തിച്ച ബി.ജെ.പി പ്രവർത്തകർക്കെതിരെ കേേൻറാണ്മെൻറ് പൊലീസ് കേസെടുത്തു. കണ്ടാലറിയാവുന്ന മൂന്നുപേര്ക്കെതിരെയാണ് കേസ്. മനഃപൂര്വം ലഹളയുണ്ടാക്കാന് ശ്രമിച്ചെന്ന കുറ്റമാണ് ചുമത്തിയത്. ഡി.സി ബുക്സ് സ്റ്റാച്യു ശാഖ മാനേജരുടെ പരാതിയുടെ അടിസ്ഥാനത്തിലാണ് നടപടി. ഇവരുടെ വിഡിയോ ദൃശ്യങ്ങൾ പൊലീസ് പരിശോധിച്ചുവരികയാണ്. ബുധനാഴ്ചയാണ് സ്റ്റാച്യുവിലെ ഡി.സി ബുക്സിെൻറ ശാഖയിലെത്തി ബി.ജെ.പി പ്രവർത്തകർ നോവൽ കത്തിച്ചത്. വെള്ളിയാഴ്ച ഹിന്ദു ഐക്യവേദി പ്രവർത്തകർ ശാഖയിലേക്ക് മാർച്ചും നടത്തി. ഡി.സി ബുക്സ് അധികൃതരുടെ പരാതിയുടെ അടിസ്ഥാനത്തിൽ ഡി.സിയുടെ എല്ലാ ശാഖകൾക്കും പൊലീസ് സംരക്ഷണം ഏർപ്പെടുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.