കാട്ടാക്കട: ഓടിക്കൊണ്ടിരുന്ന വാഹനത്തില്നിന്ന് ഉടുമ്പ് റോഡില് വീണു. വ്യാഴാഴ്ച രാവിലെ 11ഒാടെ കാട്ടാക്കട-തിരുവനന്തപുരം റോഡിലായിരുന്നു സംഭവം. തമിഴ്നാട് രജിസ്ട്രേഷനിലെ വാഹനത്തില്നിന്ന് റോഡിലേക്ക് എന്തോ തെറിച്ചുവീഴുന്നത് സമീപത്തെ കടയിലെ ജീവനക്കാരാണ് കണ്ടത്. ഇവര് ഓടിയെത്തുമ്പോഴേക്കും വാഹനം കടന്നുപോയിരുന്നു. തുടര്ന്ന് നടത്തിയ പരിശോധനയിലാണ് ഉടുമ്പിനെ കണ്ടെത്തിയത്. വിവരമറിഞ്ഞെത്തിയ കാട്ടാക്കട പൊലീസ് വനംവകുപ്പിനെ അറിയിച്ചു. തുടര്ന്ന് വനപാലകരെത്തി ഉടുമ്പിനെ വനംവകുപ്പ് ഓഫിസിലേക്ക് കൊണ്ടുപോയി രണ്ടാഴ്ച പ്രായമുള്ള ഉടുമ്പിെൻറ ശരീരത്തില് പരിക്കുണ്ട്. ആവശ്യമായ പരിചരണത്തിന്ശേഷം കാട്ടിൽ വിടുമെന്ന് വനംവകുപ്പ് അധികൃതർ പറഞ്ഞു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.