കൊട്ടാരക്കര: റേഷൻ കാർഡ് ഉടമകൾക്ക് ബിൽ നൽകാതെ വ്യാപാരം നടത്തിയ റേഷൻ കടയുടമയുടെ അംഗീകാരപത്രം സസ്പെൻഡ് ചെയ്തതായി താലൂക്ക് സപ്ലൈ ഓഫിസർ എസ്.എ. സെയ്ഫ് അറിയിച്ചു. കൊട്ടാരക്കര താലൂക്കിലെ ഇട്ടിവ മലപ്പേരൂരിൽ സി. ജോൺ ലൈസൻസിയായി നടത്തുന്ന 204ാ൦ നമ്പർ റേഷൻ കടയുടെ അംഗീകാരപത്രമാണ് സസ്പെൻഡ് ചെയ്തത്. റേഷൻ കാർഡ് ഉടമകൾക്ക് ബിൽ നൽകുന്നില്ലെന്ന പരാതി ഉയർന്നതിനെ തുടർന്ന് കാർഡ് ഉടമകളെ താലൂക്ക് സപ്ലൈ ഓഫിസർ നേരിട്ട് കണ്ട് മൊഴി എടുക്കുകയായിരുന്നു. പരാതിയിൽ കഴമ്പുണ്ടെന്ന് കണ്ടതോടെയാണ് ലൈസൻസ് സസ്പെൻഡ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.