പത്രപ്രവർത്തകനെ വധിക്കാന്‍ ശ്രമിച്ച ആർ.എസ്.എസുകാെര അറസ്റ്റ് ചെയ്യണം -സി.പി.എം കൊട്ടാരക്കര: ദേശാഭിമാനി കൊട്ടാരക്കര ലേഖകന്‍ ജി.എസ്. അരുണിനെ വധിക്കാന്‍ ശ്രമിച്ച ആർ.എസ്.എസ് പ്രവർത്തകരെ അറസ്റ്റ് ചെയ്യാന്‍ പൊലീസ് തയാറാകണമെന്ന് സി.പി.എം കൊട്ടാരക്കര ഏരിയ കമ്മിറ്റി ആവശ്യപ്പെട്ടു. ആർ.എസ്.എസ് അസൂത്രണം ചെയ്ത് നടപ്പാക്കിയ ആക്രമണത്തെ പൊലീസ് ഉത്സവപ്പറമ്പിലെ സംഘര്‍ഷമായി ചിത്രീകരിക്കുന്നത് അപലപനീയമാണ്. സംഭവത്തില്‍ ഉള്‍പ്പെട്ട പ്രതികളെ പൊലീസ് നേരിട്ട് പിടികൂടി സ്‌റ്റേഷനില്‍ എത്തിച്ചിട്ടും സി.ഐ കേസെടുക്കാതെ വിട്ടയച്ചത് ദുരൂഹത ഉയര്‍ത്തുന്നു. സംഭവത്തെക്കുറിച്ച് ഡിവൈ.എസ്.പി റാങ്കിലുള്ള ഉദ്യോഗസ്ഥന്‍ പുനരന്വേഷണം നടത്തണമെന്നും യോഗം ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.