ഓയൂർ: ദലിത് ഐക്യവേദി ആഹ്വാനം ചെയ്ത ഹർത്താൽ ഓയൂരിൽ പൂർണം. സർക്കാർ ഓഫിസുകളും ദേശസാൽകൃതബാങ്കുകളും പ്രവർത്തിച്ചില്ല. തുറന്ന കടകൾ സമരാനുകൂലികൾ അടപ്പിച്ചു. കെ.എസ്.ആർ.ടി.സി- സ്വകാര്യ ബസുകൾ ഓടിയില്ല. കുളത്തൂപ്പുഴ, പൂയപ്പള്ളി, കൊല്ലം ഭാഗത്തേക്ക് രാവിലെ അഞ്ച് ബസുകൾ സർവിസ് നടത്തിയെങ്കിലും തിരികെ എത്തിയില്ല. ഓയൂരിൽ േപ്രാഗ്രസിവ് സിദ്ധനർ സൊസൈറ്റി താലൂക്ക് യൂനിെൻറ നേതൃത്വത്തിൽ പ്രകടനം നടത്തി. പ്രസിഡൻറ് പനയറക്കുന്ന് ബാബു, സെക്രട്ടറി കരിങ്ങന്നൂർ സുരേഷ് ട്രഷറർ വെളിനല്ലൂർ ശ്രീകുമാർ വൈസ് പ്രസിഡൻറ് രാജേഷ്, ജോ.സെക്രട്ടറി രേണു തുടങ്ങിയവർ നേതൃത്വം നൽകി. പൂയപ്പള്ളി പൊലീസ് സ്റ്റേഷൻ അതിർത്തിയിൽ അനിഷ്ട സംഭവങ്ങളൊന്നും റിപ്പോർട്ട് ചെയ്തിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.