കല്ലമ്പലം: ഒമ്പതു വയസ്സുള്ള ദലിത് വിദ്യാർഥിനിയെ പീഡിപ്പിച്ച കേസിൽ കോൺഗ്രസ് പ്രാദേശിക നേതാവ് അറസ്റ്റിൽ. കരവാരം ആണ്ടിക്കോണം കശുവണ്ടി ഫാക്ടറിക്ക് സമീപം ചരുവിള വീട്ടിൽ മാർത്താണ്ഡൻ എന്ന രമേശനാണ് (52) കഴിഞ്ഞദിവസം പോക്സോ നിയമപ്രകാരം അറസ്റ്റിലായത്. സ്കൂൾ വിട്ട് വരുന്ന വഴിയിൽ വെച്ച് പരിചയം നടിച്ച് വശത്താക്കി പ്രതിയുടെ കൃഷിസ്ഥലത്ത് കൊണ്ടുപോയി ശാരീരികമായി ഉപദ്രവിക്കുകയായിരുന്നെന്ന് പൊലീസ് പറഞ്ഞു. പുറത്തുപറഞ്ഞാൽ കൊന്നുകളയുമെന്ന് ഇയാൾ ഭീഷണിപ്പെടുത്തി. നിലവിളിച്ചുകൊണ്ട് വീട്ടിലെത്തിയ കുട്ടി പിതാവിനോട് വിവരം പറയുകയായിരുന്നു. ഒളിവിലായിരുന്ന പ്രതിയെ ആറ്റിങ്ങൽ എ.എസ്.പി ആദിത്യയുടെ നേതൃത്വത്തിലെ പൊലീസ് സംഘമാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.