കല്ലമ്പലം: പത്രവിതരണത്തിനിടെ കോളജ് വിദ്യാര്ഥിക്ക് മര്ദനമേറ്റു. കല്ലമ്പലം പുല്ലൂര്മുക്ക് ഫിര്ദൗസ് മന്സിലില് ഫിര്ദൗസിനാണ് (20) മര്ദനമേറ്റത്. ഞായറാഴ്ച പുലര്ച്ചെ 6.30 ഓടെ നാവായിക്കുളം ഡീസന്റ്മുക്കിന് സമീപമായിരുന്നു സംഭവം. ഇരുചക്രവാഹനത്തില് പത്രവിതരണം ചെയ്യവെ ഡീസന്റ്മുക്ക് കശുവണ്ടി ഫാക്ടറിക്ക് സമീപത്തുവെച്ച് കാറില് വന്ന കണ്ടാലറിയാവുന്ന രണ്ടംഗസംഘം വാഹനം തടഞ്ഞുനിര്ത്തി മര്ദിക്കുകയായിരുന്നു. നിലവിളികേട്ട് നാട്ടുകാര് ഓടിയത്തെുമ്പോഴേക്കും അക്രമികള് കടന്നുകളഞ്ഞു. തലക്കും കൈക്കും പരിക്കേറ്റ ഫിര്ദൗസ് സ്വകാര്യ ആശുപത്രിയില് ചികിത്സയിലാണ്. കല്ലമ്പലം കെ.ടി.സി.ടി ആര്ട്സ് ആന്ഡ് സയന്സ് കോളജിലെ മൂന്നാം വര്ഷ ഡിഗ്രി വിദ്യാര്ഥിയാണ്. കോളജിലുണ്ടായ വാക്കുതര്ക്കമാണ് മര്ദനത്തിന് കാരണമെന്ന് കല്ലമ്പലം പൊലീസിന് നല്കിയ പരാതിയില് പറയുന്നു. കേസ് രജിസ്റ്റര് ചെയ്ത് അന്വേഷണം ആരംഭിച്ചതായി എസ്.ഐ അനീഷ് കരീം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.