' ആമ്പല്ലൂര്: ചെങ്ങാലൂര് കുണ്ടുകടവില് ഭാര്യയെ പെട്രോളൊഴിച്ച് തീകൊളുത്തി കൊന്ന പ്രതിയെ സംരക്ഷിക്കാന് പൊലീസ് ശ്രമിക്കുകയാണെന്ന് കെ.പി.എം.എസ്. കൊലപാതകം നടന്ന ദിവസം വൈകീട്ട് ആറുവരെ പ്രതിയായ പയ്യപ്പിള്ളി ബിരാജ് സ്ഥലത്തുണ്ടായിട്ടും പൊലീസ് ഇയാളെ പിടികൂടാന് തയാറായില്ലെന്നും കെ.പി.എം.എസ് കൊടകര ഏരിയ യൂനിയന് വാര്ത്തസമ്മേളനത്തില് ആരോപിച്ചു. സംഭവ സമയത്ത് 25 ഓളം പേര് സ്ഥലത്തുണ്ടായിരുന്നു. എന്നാല് ആരും കുറ്റകൃത്യം തടയാന് ശ്രമിച്ചില്ല. തീപ്പൊള്ളലേറ്റ് റോഡില് കിടന്ന ജീതുവിനെ ആശുപത്രിയിലെത്തിക്കാനും ആരും സഹായിച്ചില്ലെന്നും ഭാരവാഹികള് ആരോപിച്ചു. സംസ്ഥാന അസി. സെക്രട്ടറി പി.കെ. സുബ്രന്, സംസ്ഥാന കമ്മിറ്റി അംഗം പി.പി. മുരളി, കൊടകര ഏരിയ യൂനിയന് സെക്രട്ടറി പി.വി. ഉമേഷ്, ബാബു കാളക്കല്ല് എന്നിവര് വാര്ത്തസമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.