ആമ്പല്ലൂര്: ദേശീയപാത കുറുമാലിയില് മണിക്കൂറുകള്ക്കിടെയുണ്ടായ രണ്ട് വാഹനാപകടങ്ങളില് മൂന്ന് പേര്ക്ക് പരിക്ക്. വ്യാഴാഴ്ച ഉച്ചക്ക് ഓട്ടോറിക്ഷക്ക് പിറകില് കാര് ഇടിച്ച് രണ്ട് വാഹനങ്ങളും മറിഞ്ഞു. ഇടിയുടെ ആഘാതത്തില് ഓട്ടോറിക്ഷ തലകീഴായി റോഡിലേക്കും കാര് ഡിവൈഡറില് ഇടിച്ച് കാനയിലേക്കും മറിയുകയായിരുന്നു. ഓട്ടോറിക്ഷ യാത്രികരായ തങ്കമണി (71), നീതു (38), വാസുദേവ് (നാല്) എന്നിവര്ക്കാണ് പരിക്കേറ്റത്. ഇവരെ തൃശൂരിലെ സ്വകാര്യാശുപത്രിയില് പ്രവേശിപ്പിച്ചു. ലോറിക്ക് പിറകില് മിനി ലോറി ഇടിച്ചാണ് രണ്ടാമത്തെ അപകടം. അപകടത്തില് ആര്ക്കും പരിക്കില്ല. തൃശൂര് ഭാഗത്തേക്ക് പോയിരുന്ന ലോറികളാണ് അപകടത്തില്പെട്ടത്. മുമ്പില് പോയിരുന്ന ലോറി പെട്ടെന്ന് ബ്രേക്കിട്ടതാണ് അപകടത്തിന് ഇടയാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.