സംരക്ഷിക്കാൻ ഫണ്ടില്ല; പാലപ്പിള്ളി താങ്ങുച്ചിറ നശിക്കുന്നു

ചാലക്കുടി: മേലൂർ പഞ്ചായത്തിലെ താങ്ങുച്ചിറ നാശത്തി​െൻറ വക്കിൽ. ഏക്കറോളം വിസ്തൃതിയുള്ളതാണ് പാലപ്പിള്ളിയിലെ താങ്ങുച്ചിറ. വേനൽക്കാലത്ത് വറ്റാത്ത താങ്ങുച്ചിറ മേലൂരിലെയും കൊരട്ടിയിലെയും കർഷകർക്ക് ആശ്രയമാണ്. രണ്ടു പഞ്ചായത്തുകളിലെ കർഷകർക്ക് ഗുണം ചെയ്യുന്ന താങ്ങുച്ചിറ കെട്ടി സംരക്ഷിക്കണമെന്നത് നാട്ടുകാരുടെ ആവശ്യമാണ്. ഇതിനായി നിരവധി നിവേദനങ്ങൾ നാട്ടുകാർ നൽകിയിരുന്നു. 30 ലക്ഷം രൂപ അനുവദിക്കുകയും ചെയ്തിരുന്നു. പക്ഷേ ചിറ വേണ്ട വിധം സംരക്ഷിക്കാൻ ഈ തുക പോരായെന്നാണ് കരാറുകാർ പറയുന്നത്. 75 ലക്ഷം രൂപ വരുമെന്നതിനാൽ കരാറെടുക്കുവാൻ ആരും തയാറായില്ല. ഫണ്ട് പാഴാവുകയും ചെയ്തു. ഒരു ഏക്കറോളം വരുന്ന ചിറയുടെ ചില ഭാഗങ്ങളിൽ കൈയേറിയിട്ടുണ്ട്. താങ്ങുച്ചിറ ക്ഷേത്രത്തിലെ ആറാട്ടിന് ഉപയോഗിക്കുന്നത് ഈ ചിറയാണ്. ഭൂമി തിരിച്ചുപിടിച്ചു ചിറകെട്ടി സംരക്ഷിക്കണമെന്നാണ് നാട്ടുകാരുടെ ആവശ്യം.