അഴീക്കോട്: യന്ത്രത്തകരാർ ആഴക്കടലിൽ കുടുങ്ങിയ മത്സ്യ ബന്ധന ബോട്ടിലെ തൊഴിലാളികളെ രക്ഷിച്ചു. കൊച്ചിയിൽനിന്ന് മത്സ്യബന്ധനത്തിന് പുറപ്പെട്ട 'ഭാരത് സാഗർ' ബോട്ടിലെ 25 തൊഴിലാളികളെയാണ് തീരദേശ പൊലീസും സീ ഗാർഡുമാരും ചേർന്ന് രക്ഷപ്പെടുത്തിയത്. എൻജിൻ നിലച്ചതിനെത്തുടർന്ന് അഴീക്കോട് ലൈറ്റ് ഹൗസ് തീരത്തുനിന്ന് 12 നോട്ടിക്കൽ മൈൽ അകലെ കടലിൽ ഒഴുകി നടക്കുകയായിരുന്നു. വെള്ളിയാഴ്ച പുലർച്ചെ 5.30 ഓടെ തൊഴിലാളികളെയും ബോട്ടും സുരക്ഷിതമായി അഴീക്കോട് കടവിൽ എത്തിച്ചു. വൈപ്പിൻ മറൈൻ എൻഫോഴ്സ്മെൻറ് വിവരമറിയിച്ചതിനെ തുടർന്ന് മത്സ്യ വകുപ്പിെൻറ സുരക്ഷ ബോട്ടിൽ പുറപ്പെട്ട എ.എസ്.ഐ രാധാകൃഷ്ണൻ, സി.പി.ഒ ലെനിൻ, സ്രാങ്ക് ഹാരിസ്, ലാസ്കർ അഗിൻ സീ ഗാർഡുമാരായ ഫസൽ, ഷിഹാബ് എന്നിവർ ഉൾപ്പെട്ട സംഘമാണ് രക്ഷാപ്രവർത്തനം നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.