ചിറ്റാർ: കൈവരിയും സംരക്ഷണഭിത്തിയും തകർന്ന പാലം അപകടാവസ്ഥയിൽ. ചിറ്റാർ ഫാക്ടറിപ്പടിയിൽ മീൻകുഴി, കോതയാട്ടുപാറ പ ്രദേശവും തമ്മിൽ ബന്ധിപ്പിക്കുന്ന ചപ്പാത്ത് പാലമാണ് അപകട ഭീഷണി നേരിടുന്നത്. ദിവസേന നിരവധി വാഹനങ്ങൾ കടന്നുപോകുന്ന റോഡാണിത്. പാലത്തിൻെറ കൈവരികളും കരിങ്കൽ സംരക്ഷണഭിത്തിയും പ്രളയത്തിൽ തകർന്നിരുന്നു. ഈട്ടിച്ചുവട് തോട്ടിലൂടെ കുത്തിയൊഴുകി എത്തിയ വെള്ളം കരകവിഞ്ഞ് ചപ്പാത്തിനു മുകളിലൂടെ ഒഴുകിയാണ് പാലം അപകടാവസ്ഥയിലായത്. പാലത്തിനു 15 വർഷത്തെ പഴക്കമുണ്ട്. നിർമിച്ചശേഷം കാര്യമായ അറ്റകുറ്റപ്പണിയൊന്നും ചെയ്തിട്ടിെല്ലന്ന് പ്രദേശവാസികൾ പറഞ്ഞു. കോൺക്രീറ്റ് റോഡിനോടു ചേർന്ന കരിങ്കൽ സംരക്ഷണഭിത്തി തകർന്നതിനാൽ വാഹനങ്ങൾ അപകടത്തിൽപെടാൻ സാധ്യത ഏറെയാണ്. ഫാക്ടറിപ്പടി, മീൻകുഴി, കോതയാട്ടുപാറ കോളനി, എസ്.എൻ കോളജ് എന്നിവിടങ്ങളിലേക്കു പോകാനുള്ള പ്രധാന റോഡാണ് ഈ ചപ്പാത്ത് പാലം. ചിറ്റാറിൽനിന്ന് മീൻകുഴിവഴി വയ്യാറ്റുപുഴക്ക് പോകാൻ കഴിയുന്ന എളുപ്പവഴി കൂടിയാണിത്. പ്രദേശത്തെ ഏകദേശം അഞ്ഞൂറോളം കുടുംബങ്ങൾ ഉപയോഗിക്കുന്ന പാലത്തിൻെറ കൈവരിയും സംരക്ഷണഭിത്തിയും നിർമിച്ചു അപകട ഭീഷണി ഒഴിവാക്കണമെന്ന് നാട്ടുകാർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.