ചിറ്റാർ: റോഡരികിലെ ചുറ്റുമതിൽ തകർന്ന കിണർ അപകടഭീഷണി ഉയർത്തുന്നു. ചിറ്റാർ ഫാക്ടറിപടിയിലെ ജനവാസകേന്ദ്രത്തിലെ പൊതുകിണറിെൻറ ചുറ്റുമതിൽ പ്രളയത്തിലാണ് തകർന്നത്. കുടിവെള്ളക്ഷാമം നേരിടുന്ന സമീപ മേഖലയിലേക്ക് വാഹനത്തിലും അല്ലാതെയും ഈ കിണറ്റിൽനിന്നാണ് വെള്ളം ശേഖരിച്ചു കൊണ്ടുപോകുന്നത്.
കിണറിന് ചുറ്റുമതിൽ ഇല്ലാത്തതിനാൽ യാത്രക്കാർക്കും വാഹനങ്ങളും അപകടത്തിൽപെടാൻ ഏറെ സാധ്യതയുണ്ട്. വർഷങ്ങൾ പഴക്കമുള്ള കിണറാണിത്. ഇതുവഴി സ്കൂൾ കുട്ടികൾ അടക്കം നിരവധി ആളുകളാണ് ദിവസേന കാൽനടയായും വാഹനത്തിലും സഞ്ചരിക്കുന്നത്. അടിയന്തരമായി കിണറിന് ചുറ്റുമതിൽ നിർമിക്കണമെന്ന് നാട്ടുകാർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.