മല്ലപ്പള്ളി: ഓട്ടോയില് കടത്തുകയായിരുന്ന 25 കിലോ ചന്ദനം പൊലീസ് പിടികൂടി. എസ്.പിയുടെ നേതൃത്വത്തിലുള്ള ഷാഡോ പൊലീസിന് ലഭിച്ച രഹസ്യവിവരത്തെ തുടര്ന്ന് മല്ലപ്പള്ളി സര്ക്ക്ള് ഇന്സ്പെക്ടര് കെ. സലീമിന്െറ നേതൃത്വത്തിലുള്ള പട്രോളിങ് സംഘമാണ് പ്രതികളെ പിടികൂടിയത്. ചിറ്റാര് പുതുവേലില് വീട്ടില് പ്രസന്നന് (51), മാന്നാര് കുരട്ടികാട് പുതുപ്ളേത്ത് പ്രശോഭ് (34), മാന്നാര് വിഷ വര്ഷശേരിക്കടവ് തട്ടയക്കാട്ട് കിഴക്കേതില് ഷരീഫ് (45) എന്നിവരാണ് അറസ്റ്റിലായത്. കഴിഞ്ഞ വ്യാഴാഴ്ച രാത്രി എട്ടോടെ കീഴ്വായ്പ്പൂര് പടുതോട് പാലത്തിന് സമീപത്തുവെച്ച് വാഹന പരിശോധനക്കിടയിലാണ് ഓട്ടോയുടെ പിന്ഭാഗത്ത് ഒളിപ്പിച്ചനിലയില് ചന്ദന മുട്ടികള് കണ്ടത്. കോന്നി വനമേഖലയില്നിന്നുമാണ് ചന്ദനം കടത്തിയതെന്ന് കരുതുന്നു. 25കിലോ തൂക്കം വരുന്ന 14കഷണം ചന്ദനമുട്ടികളാണ് പിടികൂടിയത്. മാര്ക്കറ്റില് ഒന്നര ലക്ഷത്തോളം രൂപ വിലമതിക്കും. കീഴ്വായ്പ്പൂര് പൊലീസ് സ്റ്റേഷനില് എത്തിച്ച പ്രതികളെ കോടതിയില് ഹാജരാക്കി റിമാന്ഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.