ലോകബാങ്ക് പ്രതിനിധി സംഘം ഉരുൾപൊട്ടൽ മേഖല സന്ദർശിച്ചു

കരുവാരകുണ്ട്: ഉരുൾപൊട്ടലിൽ കനത്ത നാശം വിതച്ച കരുവാരകുണ്ടിലെ വിവിധ പ്രദേശങ്ങൾ ലോക ബാങ്ക് പ്രതിനിധി സംഘം സന്ദർശിച്ചു. പെരിന്തൽമണ്ണ സബ് കലക്ടർ ഡോ. ജെ. അരുണി​െൻറ നേതൃത്വത്തിലാണ് കൽക്കുണ്ട് ചേരി, മണലിയാംപാടം, മഞ്ഞളാംചോല എന്നിവിടങ്ങളിൽ സ്ഥിതിഗതികൾ വിലയിരുത്തിയത്. ഇവർ കർഷകരിൽ നിന്നും ഉദ്യോഗസ്ഥരിൽ നിന്നും വിവരങ്ങൾ ശേഖരിച്ചു. ഹേമന്ദ് കരേരിയ, വെങ്കിട്ടരാമു ബയാലിയ, വൈദീശ്വരൻ, അനൂപ് കരണത്ത് എന്നിവരാണ് ലോകബാങ്ക് പ്രതിനിധി സംഘത്തിലുള്ളത്. നിലമ്പൂർ തഹസിൽദാർ സുഭാഷ് ചന്ദ്രബോസ്, ഗ്രാമപഞ്ചായത്ത് പ്രസിഡൻറ് മഠത്തിൽ ലത്തീഫ്, അംഗം വി. ശബീറലി, കൃഷി ഓഫിസർ വി.പി. ഇന്ദുലേഖ, വില്ലേജ് ഓഫിസർ അയ്യപ്പൻ കുനിയങ്ങോടൻ, അബ്ദുൽ നാസർ എന്നിവരും ഉണ്ടായിരുന്നു. Photo... ലോക ബാങ്ക് പ്രതിനിധി സംഘം മണലിയാംപാടം സന്ദർശിക്കുന്നു