തേഞ്ഞിപ്പലം: ആവശ്യത്തിന് മുന്നറിയിപ്പ് ബോർഡുകളും റിഫ്ലക്ടറുകളും ഇല്ലാത്ത ചേളാരി പാണമ്പ്ര വളവിലെ ഡിവൈഡറിൽ കെ.എസ്.ആർ.ടി.സി ബസ് നിയന്ത്രണം വിട്ട് ഇടിച്ചുകയറി. ഡിവൈഡറിൽ കയറിയ ബസ് മറിയാതിരുന്നതിനാൽ വൻ ദുരന്തം ഒഴിവായി. ശനിയാഴ്ച പുലർച്ച രേണ്ടാടെയാണ് അപകടം. കോട്ടയത്തുനിന്ന് കാസർകോട്ടേക്ക് പോവുകയായിരുന്ന കെ.എസ്.ആർ.ടി.സിയുടെ ശബരി എക്സ്പ്രസാണ് അപകടത്തിൽപെട്ടത്. ഇതേതുടർന്ന് ദേശീയപാതയിൽ ഏറെനേരം ഗതാഗതം സ്തംഭിച്ചു. ഡിവൈഡർ ഡ്രൈവറുടെ ശ്രദ്ധയിൽപെടാത്തതാണ് അപകട കാരണം. കുറച്ച് മാസങ്ങൾക്കുള്ളിൽ നിരവധി വാഹനങ്ങളാണ് ഡിവൈഡറിലിടിച്ച് അപകടത്തിൽപെട്ടത്. തെരുവ് വിളക്കുകൾ ഇല്ലാത്തതും അപകടങ്ങൾക്ക് കാരണമാവുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.