വണ്ടൂർ: നടുവത്ത് തങ്ങൾപടിയിൽ 66 കെ.വി ലൈനിനു മുകളിൽ തെങ്ങ് വീണു. ഞായറാഴ്ച വൈകീട്ട് ആറോടെയാണ് സംഭവം. തെങ്ങ് വീണതിനെ തുടർന്ന് വൈദ്യുതി തൂണും മറിഞ്ഞുവീണു. ഇതേതുടർന്ന് നിലമ്പൂർ-വണ്ടൂർ റൂട്ടിൽ അൽപനേരം ഗതാഗതം സ്തംഭിച്ചു. നിലമ്പൂർ ഭാഗത്തേക്ക് പോവുകയായിരുന്ന കാറിെൻറ മുകളിലേക്ക് പോസ്റ്റും കമ്പിയും വീണതിനാൽ സാരമായ കേടുപാട് സംഭവിച്ചു. രണ്ടുദിവസം മുമ്പ് എടുത്ത പുതിയ കാറാണ് അപകടത്തിൽപെട്ടത്. യാത്രക്കാർ പരിക്കേൽക്കാതെ രക്ഷപ്പെട്ടു. വണ്ടൂർ ഭാഗത്തേക്ക് പോവുകയായിരുന്ന സ്വകാര്യബസിെൻറ മുന്നിലേക്കാണ് തെങ്ങുവീണത്. മറ്റുവാഹനങ്ങളും സംഭവസമയം റോഡിലുണ്ടായിരുന്നെങ്കിലും ആർക്കും പരിക്കേറ്റില്ല. അപടം നടന്ന നിമിഷംതന്നെ വൈദ്യുതിബന്ധം നിലച്ചത് തുണയായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.