മഞ്ചേരി: റേഷൻ കാർഡ് സംബന്ധിച്ച പരാതികളും അപേക്ഷകളും ജൂൺ 25 മുതൽ ഏറനാട് താലൂക്ക് സപ്ലൈ ഓഫിസ് മുഖേന സ്വീകരിക്കും. പുതിയ റേഷൻ കാർഡിനും കാർഡ് മറ്റൊരു താലൂക്കിലേക്ക് മാറ്റാനും അപേക്ഷിക്കാം. അംഗങ്ങളെ മറ്റൊരു താലൂക്കിലേക്ക് മാറ്റുന്നതിനും പുതിയ അംഗങ്ങളെ ഉൾപ്പെടുത്തുന്നതിനും ഡ്യൂപ്ലിക്കേറ്റിനും അപേക്ഷ സമർപ്പിക്കാം. തിരുത്തൽ വരുത്തുന്നതിനും അംഗങ്ങളെ മറ്റൊരു സംസ്ഥാനത്തേക്ക് മാറ്റുന്നതിനും കാർഡുതന്നെ മറ്റൊരു സംസ്ഥാനത്തേക്ക് മാറ്റാനും അവസരമുണ്ട്. നോൺ റിന്യൂവൽ സർട്ടിഫിക്കറ്റ്, നോൺ ഇൻക്യൂഷൻ സർട്ടിഫിക്കറ്റ് എന്നിവ ലഭ്യമാക്കാനും അപേക്ഷ നൽകാം. www.civilsupplieskerala.gov.inൽ നിന്ന് ഫോം ഡൗൺ ലോഡ് ചെയ്ത് പൂരിപ്പിച്ച് ആവശ്യമായ രേഖ സഹിതം താലൂക്ക് സപ്ലൈ ഓഫിസിൽ സമർപ്പിക്കണം. തിരക്ക് ഒഴിവാക്കാൻ പഞ്ചായത്ത് അടിസ്ഥാനത്തിലാണ് അപേക്ഷ സ്വീകരിക്കുന്നത്. സമയം രാവിലെ പത്തു മുതൽ വൈകീട്ട് നാലുവരെ ഓരോ പഞ്ചായത്തിലെയും അപേക്ഷ താലൂക്ക് സപ്ലൈ ഓഫിസിൽ സ്വീകരിക്കുന്ന തീയതി താഴെ: ജൂൺ 25-കീഴുപറമ്പ് ജൂൺ 26-കാവനൂർ 27-മഞ്ചേരി നഗരസഭ 28-മഞ്ചേരി നഗരസഭ 29-ഉൗർങ്ങാട്ടിരി 30-പൂക്കോട്ടൂർ ജൂലൈ രണ്ട്-അരീക്കോട് മൂന്ന്-എടവണ്ണ നാല്-മലപ്പുറം നഗരസഭ അഞ്ച്-മലപ്പുറം നഗരസഭ ആറ്-പാണ്ടിക്കാട് ഏഴ്-ആനക്കയം ഒമ്പത്-പുൽപ്പറ്റ പത്ത്-തൃക്കലങ്ങോട്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.