കൊണ്ടോട്ടി: ഈ വര്ഷത്തെ ഹജ്ജിന് തെരഞ്ഞെടുക്കപ്പെട്ടവർക്ക് ബലികര്മത്തിനുള്ള കൂപ്പണ് നിരക്ക് 360 രൂപ വര്ധിപ്പിച്ചു. നിലവില് ബലികർമത്തിന് 8000 രൂപ അടച്ചവര് വര്ധിപ്പിച്ച 360 രൂപയും അടക്കണമെന്നാണ് സൗദി സര്ക്കാർ പുതുതായി നിർദേശം നൽകിയിരിക്കുന്നത്. ബലികര്മ കൂപ്പണിന് പണം അടച്ച തീര്ഥാടകരാണ് അധിക തുക നല്കേണ്ടത്. ഒരു കവറില് അപേക്ഷിച്ചവരുടെ തുക ഒന്നിച്ച് അടച്ചാല് മതി. ബാക്കി അടക്കേണ്ടത് സംബന്ധിച്ച വിവരം കേന്ദ്ര ഹജ്ജ് കമ്മിറ്റി വെബ്സൈറ്റ് മുഖേന അറിയാൻ സാധിക്കും. പണം അടക്കുന്നതിനുള്ള പേ-ഇൻ സ്ലിപ്പും ഹജ്ജ് കമ്മിറ്റി വെബ്സൈറ്റില്നിന്ന് ലഭ്യമാകും. തുക അടച്ചതിെൻറ പേ ഇൻ സ്ലിപ്പ് തീർഥാടകർ സംസ്ഥാന ഹജ്ജ് കമ്മിറ്റിക്ക് എത്തിക്കണം. ഇതുവരെ പണം അടച്ചതിെൻറ മുഴുവൻ രേഖകളും തീര്ഥാടകര് കൈവശം വെക്കണമെന്നും കേന്ദ്ര ഹജ്ജ് കമ്മിറ്റി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.