ഹോസ്റ്റലില് വെള്ളമില്ല; വി.സിയുടെ വസതിക്ക് മുന്നില് ബക്കറ്റുമായി വിദ്യാർഥിനികളുടെ പ്രതിഷേധം തേഞ്ഞിപ്പലം: കാലിക്കറ്റ് സർവകലാശാല വനിത ഹോസ്റ്റലിൽ വെള്ളമില്ലാത്തതില് പ്രതിഷേധിച്ച് വൈസ് ചാൻസലറുടെ വസതിക്ക് മുന്നില് വിദ്യാർഥിനികൾ സമരം നടത്തി. പുതിയ കെട്ടിടത്തില് വെള്ളമില്ലാതായിട്ട് ഒരു മാസത്തോളമായെന്ന് വിദ്യാർഥിനികൾ പറയുന്നു. നിരവധി തവണ പരാതി നല്കിയിട്ടും അധികൃതര് നടപടി സ്വീകരിക്കാത്തതിനെ തുടർന്നാണ് വ്യാഴാഴ്ച രാവിലെ ബക്കറ്റുകളുമായി ഡിപ്പാര്ട്ട്മെൻറ് സ്റ്റുഡൻറ്സ് യൂനിയൻ നേതൃത്വത്തില് വി.സി ഡോ. കെ. മുഹമ്മദ് ബഷീറിെൻറ ബംഗ്ലാവിന് മുന്നില് സമരം നടത്തിയത്. സമരത്തെ തുടർന്ന് ഹോസ്റ്റല് അധികൃതരും വിദ്യാർഥിനികളും വൈസ് ചാൻസലറുമായി ചര്ച്ച നടത്തി. കുടിവെള്ളമടക്കമുള്ള അടിസ്ഥാന പ്രശ്നങ്ങള്ക്ക് പരിഹാരം കാണാന് നടപടിയെടുക്കുമെന്ന് ഉറപ്പ് നല്കിയതോടെ 11 മണിയോടെ സമരം അവസാനിപ്പിച്ചു. ഹോസ്റ്റലിന് മുകളിൽ പുതിയ ബ്ലോക്ക് നിർമിക്കുന്നതിനാൽ മഴവെള്ളമടക്കം മുറികളിലേക്ക് എത്തുന്നുണ്ടെന്നും വിദ്യാർഥിനികൾ പരാതി പറഞ്ഞു. ഫോട്ടോ: വനിത ഹോസ്റ്റലിലെ വെള്ള പ്രശ്നം പരിഹരിക്കണമെന്ന് ആവശ്യപ്പെട്ട് കാലിക്കറ്റ് സർവകലാശാല വി.സിയുടെ വസതിക്ക് മുന്നിൽ സമരം ചെയ്യുന്ന വിദ്യാർഥിനികൾ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.