മഞ്ചേരി: മിനി സിവിൽ സ്റ്റേഷനു മുകളിലെ ഷീറ്റുകളും ഇരുമ്പു തൂണുകളും ശക്തമായ കാറ്റിൽ നിലം പൊത്തി. രണ്ടാം ശനിയാഴ്ച മുഴുവൻ സർക്കാർ ഒാഫിസുകളും അവധിയായതിനാൽ ഒാഫിസുകളിലോ പരിസരത്തോ ആളുകളുണ്ടാവാത്തത് ദുരന്തം ഒഴിവാക്കി. ശനിയാഴ്ച ഉച്ചക്ക് 12നാണ് കാറ്റും മഴയും തുടങ്ങിയത്. അഞ്ചുനിലകളുള്ള മിനി സിവിൽ സ്റ്റേഷനിൽ ഏറ്റവും മുകളിൽ ഇരുമ്പുകമ്പികളും തൂണുകളും സ്ഥാപിച്ചാണ് ഷീറ്റ് മേഞ്ഞത്. കാറ്റിൽ ഷീറ്റുകൾ മലർന്നു. അഞ്ചുനില കെട്ടിടത്തിെൻറ മേൽക്കൂരയിൽനിന്ന് തൂണായി ഉപയോഗിച്ച കമ്പി നിലം പൊത്തിയത് ഏതുനേരത്തും ജനങ്ങൾ നടന്നുപോവുന്ന മിനി സിവിൽ സ്റ്റേഷനു പിന്നിലെ വഴിയിലേക്കാണ്. ഉച്ചയോടെ തന്നെ മഞ്ചേരി ഫയർഫോഴ്സ് യൂനിറ്റ് സ്ഥലത്തെത്തി അപകടാവസ്ഥയിലുള്ള ഷീറ്റുകൾ മാറ്റിത്തുടങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.