കൂറ്റനാട്: രേഖകളില്ലാതെ കടത്തുകയായിരുന്ന 16.5 ലക്ഷം രൂപ എക്സൈസ് സംഘം പിടികൂടി. വാളയാർ ടോൾ പ്ലാസയിൽ വാഹന പരിശോധനക്കിടെയാണ് സംഭവം. ഇതുമായി ബന്ധപ്പെട്ട് കോയമ്പത്തൂർ കാവേരി നഗറിൽ സദ്ദാം ഹുസൈൻ (28), പാലക്കാട് കുന്നത്തൂർമേട് എം.എൽ. കോളനിയിൽ ഷറഫുദ്ദീൻ (22) എന്നിവരെ കസ്റ്റഡിയിലെടുത്തു. കോയമ്പത്തൂരിൽനിന്ന് പാലക്കാട്ടേക്ക് എത്തിക്കാനുള്ള നിർദേശപ്രകാരമാണ് ഇരുവരും ബൈക്കിൽ പണവുമായി വന്നിരുന്നതെന്ന് എക്സൈസ് സംഘം അറിയിച്ചു. കൂടുതൽ നടപടിക്കായി പ്രതികളെ വാളയാർ പൊലീസിന് കൈമാറി. തൃത്താല എക്സൈസ് ഇൻസ്പെക്ടർ പി. സജു, വി.കെ. പ്രസാദ്, ശ്രീജിത്ത് തുടങ്ങിയവരുടെ നേതൃത്വത്തിലായിരുന്നു നടപടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.