മംഗലംഡാം: വി.ആർ.ടിയിൽ പുലിയിറങ്ങി ആടുകെളയും വളർത്തുനായ്ക്കളെയും കൊന്നു. അടിപറമ്പിൽ ബെന്നി, മുറ്റത്താനി ജോസ്കുട്ടി എന്നിവരുടെ വളർത്തുമൃഗങ്ങളെയാണ് കൊന്നൊടുക്കിയത്. ജോസ്കുട്ടിയുടെ ആടുകളെ കൂട് പൊളിച്ചാണ് പുലി അകത്തുകടന്ന് കൊന്നത്. ബഹളം കൂട്ടിയപ്പോൾ ബാക്കിയുള്ള ആടുകളെ ഉപേക്ഷിച്ച് അടുത്ത വീട്ടിലെ ബെന്നിയുടെ വളർത്തുനായയെ കൊണ്ടുപോയി. സാരമായി മുറിവേറ്റ ബെന്നിയുടെ ആടിന് ചികിത്സ നൽകി. ഇവിടെ ഇതിനുമുമ്പ് പലതവണ പുലിയിറങ്ങി വളർത്തുമൃഗങ്ങളെ കൊന്നിട്ടുണ്ട്. രണ്ടുവർഷം മുമ്പ് വി.ആർ.ടിയിൽ പുലി കിണറ്റിൽ വീണിരുന്നു. കൂട് വെച്ച് പലയിടത്തുനിന്നും പിടികൂടുന്ന പുലികളെ നെല്ലിയാമ്പതി കാട്ടിൽവിട്ട് അവ മല വഴി നാട്ടിലെത്തുകയാണെന്ന് പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.