--------------------നിലമ്പൂർ: സംഘകൃഷിയിൽ വീട്ടമ്മമാർ വിതച്ച നെൽപാടത്ത് വിളവെടുപ്പ് ഉത്സവം നടത്തി. വഴിക്കടവ് പഞ്ചായത്തിലെ പടിക്കൽ അജയ്കുമാറിെൻറ പാടശേഖരത്താണ് അന്നപൂർണ കുടുംബശ്രീ അംഗങ്ങൾ നെൽകൃഷി ചെയ്തത്. രണ്ടര ഏക്കർ സ്ഥലത്തെ നെൽകൃഷി നൂറുമേനി വിളഞ്ഞു. ജില്ല കുടുംബശ്രീ മിഷൻ, ഗ്രാമപഞ്ചായത്ത്, കൃഷി വകുപ്പ് എന്നിവരുടെ സഹകരണത്തോടെയാണ് കൃഷിയിറക്കിയത്. തങ്കമണി, ലീല, ഷനിത, പുഷ്പ എന്നിവരാണ് കൃഷിയിറക്കിയത്. വിളവെടുപ്പ് ഉത്സവം ഗ്രാമപഞ്ചായത്ത് പ്രസിഡൻറ് ഇ.എ. സുകു ഉദ്ഘാടനം ചെയ്തു. വി.ഇ.ഒ ജയൻ, അസി. വി.ഇ.ഒ സിജിൽ, സി.ഡി.എസ് വൈസ് പ്രസിഡൻറ് ഇ.ആർ. രാജമ ടീച്ചർ, മുൻ ഗ്രാമപഞ്ചായത്ത് അംഗങ്ങളായ പി.സി. നാഗൻ, അബ്ദുൽ കരീം, തുറക്കൽ മുജീബ്, തൊഴിലുറപ്പ് ഓവർസിയർ മാത്യൂസ് എന്നിവർ കൊയ്ത്തുത്സവത്തിൽ പങ്കെടുത്തു. പടം: 1- വഴിക്കടവ് വള്ളിക്കാടിലെ അന്നപൂർണ സംഘകൃഷിയുടെ വിളവെടുപ്പ് ഗ്രാമപഞ്ചായത്ത് പ്രസിഡൻറ് ഇ.എ. സുകു ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.