പട്ടാമ്പി: വര്‍ഗീയ ഫാഷിസത്തിനും അക്രമത്തിനും ജനദ്രോഹഭരണത്തിനുമെതിരെ കെ.പി.സി.സി പ്രസിഡൻറ് എം.എം. ഹസന്‍ നയിക്കുന്ന ജനമോചന യാത്രക്ക് വ്യാഴാഴ്ച ജില്ലയില്‍ സ്വീകരണം നല്‍കും. രാവിലെ 10ന് ജില്ല അതിര്‍ത്തിയായ കുമരനെല്ലൂരില്‍ ജാഥയെ സ്വീകരിക്കും. പട്ടാമ്പിയില്‍ ആദ്യസ്വീകരണ യോഗം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. സ്വീകരണത്തിനായുള്ള ഒരുക്കങ്ങള്‍ പൂര്‍ത്തിയായതായി സി.പി. മുഹമ്മദ്, കെ.എസ്.ബി.എ. തങ്ങള്‍, ഇ.ടി. ഉമ്മര്‍, വിജയനുണ്ണി, കെ.ആര്‍. നാരായണസ്വാമി, ജിതേഷ് മോഴിക്കുന്നം എന്നിവര്‍ വാര്‍ത്തസമ്മേളനത്തില്‍ അറിയിച്ചു. പട്ടാമ്പി, തൃത്താല, ഷൊര്‍ണൂര്‍ മണ്ഡലങ്ങളുടെ സ്വീകരണമാണ് പട്ടാമ്പിയില്‍ നടക്കുക. പട്ടാമ്പി പാലത്തിന് സമീപത്തുനിന്ന് വാദ്യഘോഷങ്ങളുടെ അകമ്പടിയോടെ ജാഥയെ സ്വീകരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.