ഷൊർണൂർ: നിയന്ത്രണം വിട്ട കാർ റോഡിൽനിന്ന് തെന്നിമാറി കൈത്തോട്ടിൽ വീണു. ഒരു കുട്ടിയടക്കം ആറ് പേർ കാറിലുണ്ടായിരുന്നെങ്കിലും പോറലേൽക്കാതെ അദ്ഭുതകരമായി രക്ഷപ്പെട്ടു. ഷൊർണൂർ സ്വദേശിയായ ഷാജിയും കുടുംബവും നെടുമ്പാശ്ശേരി എയർപോർട്ടിൽ പോയി മടങ്ങുംവഴി പുലർച്ച അഞ്ചിനായിരുന്നു അപകടം. ഷൊർണൂർ-തൃശൂർ സംസ്ഥാന പാതയിൽ ഷൊർണൂർ കുളഞ്ചീരി കുളത്തിെൻറ തിരിവിൽ കാർ റോഡിൽനിന്ന് മാറി ക്രിസ്ത്യൻ പള്ളിയോട് ചേർന്ന മതിൽ തകർത്ത് ഇവിടെയുള്ള കൈത്തോട്ടിലേക്ക് കൂപ്പുകുത്തുകയായിരുന്നു. വാഹനമോടിച്ചയാൾ ഉറങ്ങിയതാണ് അപകടകാരണമെന്ന് കരുതുന്നു. സംഭവം നടന്നയുടനെ ഇതുവഴി വന്നയാൾ ഡോർ തുറന്ന് ഓരോരുത്തരെയും കൈ പിടിച്ച് പുറത്തെത്തിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.