വണ്ടൂര്: ബാങ്ക് ഇടപാടില് തിരിമറി നടത്തി ഒന്നര ലക്ഷത്തോളം രൂപ തട്ടിയെടുത്തെന്ന ആരോപണത്തെതുടർന്ന് വണ്ടൂര് ലോക്കല് സെക്രട്ടറിയെ സി.പി.എം പുറത്താക്കി. സി.ഐ.ടി.യു ജില്ല നേതാവ് കൂടിയായ ടി.കെ. ബഷീറിനെയാണ് പ്രാഥമികാംഗത്വത്തില്നിന്ന് പുറത്താക്കിയത്. ബഷീര് ജോലി ചെയ്തിരുന്ന, സി.പി.എം നേതൃത്വത്തിലുള്ള ഭരണസമിതിക്ക് കീഴിലെ വണ്ടൂര് സര്വിസ് സഹകരണ ബാങ്കില്നിന്ന് അക്കൗണ്ട് ഉടമയറിയാതെ പണം പിന്വലിച്ചെന്ന പരാതിയെത്തുടർന്നാണ് നടപടി. അഞ്ചച്ചവിടി സ്വദേശിയായ പ്രവാസിയുടെ അക്കൗണ്ടില്നിന്ന് 2014ല് ചെക്ക് മുഖേന 2,60,000 രൂപ പിന്വലിച്ചിരുന്നു. ഇതില് ഒരു ലക്ഷം രൂപ തിരിച്ചടച്ചെങ്കിലും ബാക്കി തുക തിരിച്ചടച്ചിരുന്നില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.