കൽപകഞ്ചേരി: ആതവനാട് പഞ്ചായത്തിലെ കരിപ്പോൾ ഗവ. ഹൈസ്കൂളിെൻറ സമഗ്ര വികസനത്തിെൻറ ഭാഗമായി മാസ്റ്റർ പ്ലാൻ തയാറാക്കാൻ നിർദേശം നൽകിയതായി സ്കൂൾ സന്ദർശിച്ച് സി. മമ്മുട്ടി എം.എൽ.എ അറിയിച്ചു. വിദ്യാലയത്തെ മികവിെൻറ കേന്ദ്രമാക്കാൻ സംസ്ഥാന സർക്കാർ മൂന്ന് കോടി രൂപ നേരത്തേ അനുവദിച്ചിരുന്നു. ഇതിെൻറ തുടർച്ചയായാണ് പി.ഡബ്യു.ഡി എൻജിനീയർമാർ, ഉദ്യോഗസ്ഥർ, ത്രിതല പഞ്ചായത്ത് ജനപ്രതിനിധികൾ, പി.ടി.എ എന്നിവരടങ്ങുന്നവർ ചർച്ച ചെയ്ത് മാസ്റ്റർ പ്ലാൻ തയാറാക്കുക. സ്കൂളിെൻറ ഭൗതിക സാഹചര്യം മെച്ചപ്പെടുത്തും. ഹൈസ്കൂളിനായി ഏഴും യു.പി വിഭാഗത്തിനായി ആറും ക്ലാസ് മുറികളടങ്ങുന്ന കെട്ടിടം പണിയും. ഫ്ലഡ്ലിറ്റ് സ് റ്റേഡിയവും നിർമിക്കും. നിലവിലെ മൂത്രപ്പുര പൊളിച്ചുമാറ്റി പുതിയതിെൻറ നിർമാണം തുടങ്ങിയ വികസനങ്ങളാണ് ഇതിെൻറ ഭാഗമായി നടക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.