മഞ്ചേരി: തമിഴ്നാട് കടലൂർ സ്വദേശി ചിന്നയ്യയെ (32) താനാളൂർ മൂച്ചിക്കലിൽ മൂന്നുനില കെട്ടിടത്തിൽനിന്ന് താഴേക്ക് തള്ളിയിട്ട് കൊലപ്പെടുത്തിയ കേസിൽ പത്തുസാക്ഷികളെ വിസ്തരിച്ചു. മഞ്ചേരി മൂന്നാം അഡീഷനൽ സെഷൻസ് കോടതിയിലാണ് കേസിെൻറ വിചാരണ. താനാളൂർ സ്വദേശികളായ സൈദ് മുഹമ്മദ് (38), ഉമറുൽ ഫാറൂഖ് (39), മുഹമ്മദ് അഷ്റഫ് (38) എന്നിവരാണ് കേസിൽ പ്രതികൾ. 2014 ഏപ്രിൽ 15ന് രാത്രി 10.30നാണ് സംഭവം. കിണർ ജോലിക്കാരായ ചിന്നയ്യയും സുഹൃത്തുക്കളും താമസിച്ചിരുന്ന കെട്ടിടത്തിന് മുകളിൽവെച്ച് ബഹളമുണ്ടാവുകയും പ്രതികൾ ചിന്നയ്യയെ താഴേക്ക് വലിച്ച് എറിയുകയുമായിരുന്നു എന്നാണ് കേസ്. 34 സാക്ഷികളാണ് കേസിൽ. അഡീഷനൽ പബ്ലിക് പ്രൊസിക്യൂട്ടർ കെ.പി. അബ്ദുൽ ഗഫൂറാണ് കേസിൽ ഹാജരാവുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.