ചമ്രവട്ടം-കടലുണ്ടി റോഡ് ഉടൻ നന്നാക്കണം -താലൂക്ക് വികസന സമിതി ചമ്രവട്ടം-കടലുണ്ടി റോഡ് ഉടൻ നന്നാക്കണം -താലൂക്ക് വികസന സമിതി തിരൂർ: പാടെ തകർന്ന് ഗതാഗതയോഗ്യമല്ലാതായ ചമ്രവട്ടം-കടലുണ്ടി റോഡ് ഉടൻ നന്നാക്കണമെന്ന് തിരൂർ താലൂക്ക് വികസന സമിതി യോഗം ആവശ്യപ്പെട്ടു. റോഡിലെ യാത്ര ദുഷ്കരമായി മാസങ്ങളായിട്ടും നന്നാക്കാത്തതിൽ യോഗം പ്രതിഷേധിച്ചു. പൂർണമായി തകർന്ന റോഡിെൻറ വിവിധ ഭാഗങ്ങളിൽ വൻ കുഴികൾ രൂപപ്പെടുകയും ഇതിൽ മഴവെള്ളം കെട്ടിനിന്ന് ബൈക്ക് യാത്രക്കാർ അപകടത്തിൽ പെടുകയും ചെയ്യൽ പതിവായതായി യോഗം ചൂണ്ടിക്കാട്ടി. തിരൂർ ജില്ല ആശുപത്രി, സ്വകാര്യ ആശുപത്രികൾ, റെയിൽവേ സ്റ്റേഷൻ, ഫയർ സ്റ്റേഷൻ, കോടതി സമുച്ചയം, പൊലീസ് കാര്യാലയങ്ങൾ, താലൂക്ക് ആസ്ഥാനം, മിനി സിവിൽ സ്റ്റേഷൻ തുടങ്ങിയവയിലേക്കുള്ള റോഡ് തകർന്നതുമൂലം തിരൂർ നഗരം ഗതാഗതക്കുരുക്കിൽ നട്ടംതിരിയുകയാണെന്നും യോഗം ചൂണ്ടിക്കാട്ടി. കുറ്റിപ്പുറം ബ്ലോക്ക് പഞ്ചായത്ത് പ്രസിഡൻറ് ആതവനാട് മുഹമ്മദ്കുട്ടി അധ്യക്ഷത വഹിച്ചു. ജയചന്ദ്രൻ, സെയ്താലിക്കുട്ടി, പി. ഉണ്ണി, വിവിധ വകുപ്പുദ്യോഗസ്ഥർ തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.