മേലാറ്റൂർ: തുണയറ്റ ജീവിതങ്ങൾക്ക് തണലേകാൻ വിദ്യാർഥിക്കൂട്ടമെത്തിയപ്പോൾ ആകാശപ്പറവയിൽ കണ്ടത് സന്തോഷക്കണ്ണീർ. ഉറ്റവരും ഉടയവരുമായി ആരുമില്ലാത്ത വെട്ടത്തൂർ 'ആകാശപ്പറവ'യിലെ അന്തേവാസികൾക്ക് ഭക്ഷണവും സമ്മാനപ്പൊതികളുമായെത്തിയ വെള്ളിയഞ്ചേരി എ.എസ്.എം ഹയർ സെക്കൻഡറി സ്കൂൾ പ്ലസ് ടു കമ്പ്യൂട്ടർ സയൻസ് വിദ്യാർഥികൾ ഒരു നാൾ മുഴുവൻ അവർക്കൊപ്പം ചെലവഴിച്ചു. പാട്ടും കഥകളുമായി കുട്ടികൾ ചുറ്റും കൂടിയപ്പോൾ ആശ്രയമറ്റ മുഖങ്ങളിൽ ആശ്വാസത്തിെൻറ നിറപുഞ്ചിരി. ബിരിയാണി വെച്ച് വിളമ്പിയും മധുരം പങ്കിട്ടും കുട്ടികൾ കാരുണ്യത്തിെൻറ പുത്തൻപാഠങ്ങൾ പകർന്നു. ഭക്ഷണം കഴിക്കാൻ കഴിയാത്തവർക്ക് വാരിക്കൊടുക്കാനും കുട്ടികൾ മുന്നിലുണ്ടായിരുന്നു. സങ്കടങ്ങളൊഴിഞ്ഞ ദിനം സമ്മാനിച്ച് വിദ്യാർഥികൾ യാത്ര പറഞ്ഞപ്പോൾ കണ്ണീരണിഞ്ഞാണ് അന്തേവാസികൾ അവരെ യാത്രയാക്കിയത്. വിദ്യാർഥികളായ മുഹമ്മദ് ഷാമിൽ, മുഹമ്മദ് അർഷാക്ക്, ഷിറാസ് നാസർ, മുഹമ്മദ് ഷാൻ, സഫ്വാൻ അനസ്, ഷംന, സൽവ, ആതിര, ജിഷാന, ഫായിസ എന്നിവർ നേതൃത്വം നൽകി. photo: വെള്ളിയഞ്ചേരി എ.എസ്.എം ഹയർ സെക്കൻഡറി സ്കൂൾ വിദ്യാർഥികൾ വെട്ടത്തൂർ ആകാശപ്പറവയിലെ അന്തേവാസികൾക്ക് ഭക്ഷണം നൽകുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.