ഏതുനിമിഷവും യുദ്ധത്തിന് തയാർ –വ്യോമസേന മേധാവി ഹിന്ദോൻ (യു.പി.): രാജ്യസുരക്ഷക്കായി വ്യോമസേന യുദ്ധത്തിന് തയാറാണെന്ന് സേനമേധാവി എയർ ചീഫ് മാർഷൽ ബി.എസ്. ധനോവ. മേഖലയിലെ ഇപ്പോഴത്തെ അനിശ്ചിതാവസ്ഥയിൽ വ്യോമസേനക്ക് പെെട്ടന്നുള്ള പോരാട്ടം ആവശ്യമായി വരും. അടിയന്തരസാഹചര്യം ആവശ്യപ്പെടുകയാണെങ്കിൽ ഏതു സുരക്ഷാവെല്ലുവിളി നേരിടാനും തയാറാണെന്ന് അദ്ദേഹം വ്യക്തമാക്കി. ഏത് ആക്രമണവും നേരിടാൻ സേന സുസജ്ജമാണ്. വ്യോമസേനയുടെ 85ാം വാർഷികത്തിെൻറ ഭാഗമായി സംഘടിപ്പിച്ച ചടങ്ങിൽ സംസാരിക്കുകയായിരുന്നു എയർ ചീഫ് മാർഷൽ. ദോക്ലാമിലെ ചൈനയുടെ റോഡ് നിർമാണവും ജമ്മുകശ്മീരിൽ ഭീകരാക്രമണവും തുടരുന്ന സാഹചര്യത്തിലാണ് വ്യോമസേന മേധാവിയുടെ പ്രതികരണം. കുറച്ചുവർഷങ്ങൾക്കുള്ളിൽ വ്യോമസേനയെ സാേങ്കതികമായി നവീകരിക്കുക എന്നതാണ് പ്രധാന ചുമതലയെന്ന് അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.