കേരളത്തിൽ വർഗീയ ചളി ഉറക്കാതെ ജനങ്ങൾ ഉറപ്പുവരുത്തും –പീപ്ൾസ് ഡെമോക്രസി ന്യൂഡൽഹി: കേരളസമൂഹത്തിൽ വർഗീയ ചളി ഉറക്കാതെ കേരളത്തിലെ ജനങ്ങൾ ഉറപ്പുവരുത്തുമെന്ന് സി.പി.എം മുഖപത്രമായ പീപ്ൾസ് ഡെമോക്രസി. കേരളത്തിൽ താൻ സൃഷ്ടിക്കുന്ന വർഗീയ ചളിയിൽ ബി.ജെ.പിയുടെ താമര വിരിയുമെന്നാണ് അമിത് ഷായുടെ പ്രതീക്ഷ. ഇതിനായാണ് യാത്രയിൽ പങ്കാളിയാക്കാൻ ഉത്തർപ്രദേശ് മുഖ്യമന്ത്രി യോഗി ആദിത്യനാഥിനെ ഇറക്കുമതി ചെയ്തതെന്നും പീപ്ൾസ് ഡെമോക്രസിയുടെ പുതിയ ലക്കം എഡിറ്റോറിയൽ ആരോപിച്ചു. ബി.ജെ.പി–ആർ.എസ്.എസിെൻറ കള്ളം ഉറപ്പിക്കാനായി കേരളം മുഴുവൻ യാത്ര നടത്തിയാലും ഇടത്, മതേതര രാഷ്ട്രീയത്തിലുള്ള ജനങ്ങളുടെ വിശ്വാസത്തെ കുലുക്കാൻ കഴിയില്ല. ഇടത് ഭീകരതയെന്ന കള്ള പ്രചാരണത്തിലൂടെ സംഘ്പരിവാർ രാഷ്ട്രീയം അടിച്ചേൽപിക്കാൻ കഴിയുമെന്നാണ് അധികാരത്തിെൻറ ധാർഷ്ട്യത്തിൽ അമിത് ഷാ കരുതുന്നത്. സി.പി.എമ്മിനെയും ഇടതിനെയും രാഷ്ട്രീയമായി എതിരിടാൻ ബി.ജെ.പി–ആർ.എസ്.എസ് സഖ്യത്തിന് കഴിയില്ലെന്നതാണ് ഇത് കാണിക്കുന്നത്. ബി.ജെ.പിയുടെ പിന്തിരിപ്പൻ സാമ്പത്തിക നയങ്ങൾക്കും വിഭജിക്കുന്ന വർഗീയ അജണ്ടകൾക്കും ബദലുണ്ടെന്ന് കഴിഞ്ഞ 17 മാസത്തെ ഭരണത്തിലൂടെ പിണറായി വിജയന് കീഴിലുള്ള എൽ.ഡി.എഫ് സർക്കാർ തെളിയിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.