വേങ്ങര: മണ്ഡലത്തില്‍ ചൊവ്വാഴ്ച ധനമന്ത്രി തോമസ് ഐസക് നടത്താന്‍ നിശ്ചയിച്ചിരിക്കുന്ന ബിസിനസ് മീറ്റ് തെരഞ്ഞെടുപ്പ് പെരുമാറ്റച്ചട്ടങ്ങളുടെ ലംഘനമാണെന്ന് യു.ഡി.എഫ്. പര്യടനത്തിനെത്തുന്ന മന്ത്രി വേങ്ങരയില്‍ തെരഞ്ഞെടുത്ത വ്യവസായികളുമായാണ് കൂടിക്കാഴ്ച നടത്തുന്നത്. ഭരണസ്വാധീനം ഉപയോഗിച്ച് വ്യവസായികളെ കൂടെക്കൂട്ടാനുള്ള ശ്രമമാണ് നടത്തുന്നതെന്ന് യു.ഡി.എഫ് പ്രചാരണ ചുമതല വഹിക്കുന്ന പ്രഫ. കെ.കെ. ആബിദ് ഹുസൈന്‍ തങ്ങള്‍ എം.എൽ.എ ആരോപിച്ചു. ഇതിനെതിരെ തെരഞ്ഞെടുപ്പ് കമീഷനെ സമീപിക്കാനുള്ള നീക്കത്തിലാണ് മുന്നണി നേതൃത്വം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.