റോഡ് തടസ്സപ്പെടുത്തിയെന്ന്; അമ്പലപ്പാറയിൽ കൂട്ടത്തല്ല് ഒറ്റപ്പാലം: റോഡ് തടസ്സപ്പെടുത്തിയെന്നാരോപിച്ച് അമ്പലപ്പാറയിൽ കൂട്ടത്തല്ല്. സർവിസ് ബാങ്ക് തെരഞ്ഞെടുപ്പ് ഭാഗമായി പൊലീസ് സ്ഥലത്തു ക്യാമ്പ് ചെയ്തിരുന്നതിനാൽ പ്രശ്നം രൂക്ഷമാകാതെ പരിഹരിച്ചു. അമ്പലപ്പാറ പഞ്ചായത്ത് കല്യാണമണ്ഡപത്തിലേക്ക് വര‍െൻറ കൂടെ ഒരേ യൂനിഫോമിട്ട് ബൈക്കിലെത്തിയവരെ റോഡിൽ തടസ്സം സൃഷ്ടിച്ചെന്ന് ആരോപിച്ചുണ്ടായ തർക്കം ൈകയാങ്കളിയിലെത്തുകയായിരുന്നു. സംഭവശേഷം സംഘം കല്യാണമണ്ഡപത്തിലേക്ക് പോവുകയും ചെയ്തു. എന്നാൽ, മർദനമേറ്റയാൾ ആളുകളെ കൂട്ടി വധുവി‍െൻറ വീട്ടുകാരുടെ വിവാഹവേദിയായ പഞ്ചായത്ത് കല്യാണമണ്ഡപത്തിലെത്തുകയും അടിച്ചവനെ വിട്ടുകിട്ടണമെന്നാവശ്യപ്പെടുകയും ചെയ്തതോടെ സംഘർഷം രൂക്ഷമായി. വിവരമറിഞ്ഞെത്തിയ പൊലീസ് നടത്തിയ അനുരഞ്ജന ശ്രമങ്ങൾക്കിടയിലും വാക്കേറ്റവും കൈയാങ്കളിയും തുടർന്നതോടെ പൊലീസ് ലാത്തിവീശി. ഇതേ തുടർന്ന് പ്രശ്നക്കാർ സ്ഥലംവിട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.