കോട്ടക്കൽ: പ്രവാസികൾക്കാവശ്യമായ പെൻഷനുകൾ ഉൾപ്പെടെയുള്ള ക്ഷേമ സൗകര്യങ്ങൾ ലഭ്യമാക്കാൻ ആരംഭിച്ച പ്രവാസി ക്ഷേമ ബോർഡിെൻറ ലെയ്സൺ ഓഫിസ് അടച്ച നടപടി റദ്ദാക്കണമെന്നാവശ്യപ്പെട്ട് കെ.കെ. ആബിദ് ഹുസൈൻ തങ്ങൾ എം.എൽ.എ നൽകിയ കത്ത് പരിശോധനക്കായി നോർക്ക വകുപ്പ് സെക്രട്ടറിക്ക് നൽകിയതായി മുഖ്യമന്ത്രി അറിയിച്ചു. 14ന് മുഖ്യമന്ത്രിക്ക് നൽകിയ കത്തിനുള്ള മറുപടിയിലാണ് ഇക്കാര്യമറിയിച്ചതെന്ന് എം.എൽ.എ അറിയിച്ചു. കേന്ദ്രം കോഴിക്കോട് റീജനൽ ഓഫിസിൽ ലയിപ്പിച്ച നടപടി പ്രവാസികൾക്ക് പ്രയാസം സൃഷ്ടിക്കുമെന്നും കോട്ടക്കലിൽ തന്നെ നില നിർത്തുന്നതിനാവശ്യമായ നടപടി സ്വീകരിക്കണമെന്നുമായിരുന്നു ആവശ്യം. 2012 ജൂൺ ആറിനാണ് കേന്ദ്രം ആരംഭിച്ചത്. ഓഫിസ് അടച്ചുപൂട്ടിയത് പ്രവാസികൾക്ക് ഏറെ തിരിച്ചടിയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.