തേഞ്ഞിപ്പലം: കാക്കഞ്ചേരി കിന്‍ഫ്ര പാര്‍ക്കിലെ ആഭരണ നിര്‍മാണശാലക്കെതിരെ രണ്ടുവര്‍ഷത്തിലധികമായി തുടരുന്ന അനിശ്ചിതകാല സത്യഗ്രഹ സമരപ്പന്തല്‍ എം.കെ. മുനീര്‍ എം.എല്‍.എ സന്ദര്‍ശിച്ചു. വള്ളിക്കുന്നിലെ യു.ഡി.എഫ് മേഖല ജാഥ സ്വീകരണ പരിപാടിക്കിടെയായിരുന്നു സന്ദര്‍ശനം. കാക്കഞ്ചേരിയില്‍ ആരംഭിക്കാനിരിക്കുന്ന ആഭരണ നിര്‍മാണശാല ഗുരുതര മലിനീകരണം ഉണ്ടാക്കും എന്നതിനാലാണ് ഇവിടത്തുകാര്‍ സമരത്തില്‍ ഉറച്ചുനില്‍ക്കാന്‍ കാരണമെന്നും അനീതിക്കെതിരെയുള്ള ഉറച്ച നിലപാടാണിതെന്നും അദ്ദേഹം പറഞ്ഞു. പി. അബ്ദുല്‍ ഹമീദ് എം.എല്‍.എ, വി.പി. അബ്ദുല്‍ഹമീദ്, കെ. റഫീഖ്, മുഹമ്മദ് ഇഖ്ബാല്‍ തുടങ്ങിയവര്‍ സംബന്ധിച്ചു. ആഭരണ നിര്‍മാണശാല പ്രദേശത്തുനിന്ന് മാറ്റണമെന്നാവശ്യപ്പെട്ട് കാക്കഞ്ചേരി പരിസര സംരക്ഷണ സമിതി പ്രസിഡന്‍റ് എ. ബാലകൃഷ്ണന്‍ എം.എല്‍.എക്ക് നിവേദനം കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.