കൊണ്ടോട്ടി: അയ്യങ്കാളി തൊഴിലുറപ്പ് പദ്ധതിക്ക് കൊണ്ടോട്ടി നഗരസഭയില് തുടക്കമായി. രണ്ട് മേഖലകളിലായാണ് തൊഴിലുറപ്പ് പദ്ധതി ആരംഭിച്ചത്. നെടിയിരുപ്പില് നഗരസഭ ചെയര്മാന് സി.കെ. നാടിക്കുട്ടിയും കൊണ്ടോട്ടിയില് വൈസ് ചെയര്പേഴ്സന് കെ. നഫീസയും ഉദ്ഘാടനം നിര്വഹിച്ചു. വലിയതോടിന്െറ രണ്ട് ഭാഗങ്ങളുടെ ശുചീകരിക്കുന്ന പ്രവൃത്തിയാണ് തൊഴിലാളികള്ക്ക് നല്കിയത്. 350പേര് പങ്കെടുത്തതായി നഗരസഭ അധികൃതര് അറിയിച്ചു. കഴിഞ്ഞ കൗണ്സില് യോഗത്തില് അയ്യങ്കാളി പദ്ധതിയില് തൊഴില് നല്കാത്തതിനെ ചൊല്ലി ഭരണ-പ്രതിപക്ഷ അംഗങ്ങള് തമ്മില് വാക്ക്പോര് നടന്നിരുന്നു. ജില്ലയിലെ പുതിയ നഗരസഭകളില് കൊണ്ടോട്ടിയിലാണ് പദ്ധതി പ്രവൃത്തിക്ക് തുടക്കമിടുന്നതെന്നും ഭരണപക്ഷം അവകാശപ്പെട്ടു. സ്ഥിരംസമിതി അധ്യക്ഷന്മാര്, നഗരസഭ അംഗങ്ങള് എന്നിവര് സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.