തിരൂരങ്ങാടി: നന്നമ്പ്ര പഞ്ചായത്തിലെ 21ാം വാര്ഡ് കൊടിഞ്ഞി തിരുത്തിയിലെ മുസ്ലിം ലീഗ് കോട്ടയില് ജനകീയ മുന്നണിയിലെ കെ.പി. ഹൈദ്രോസ് കോയ തങ്ങളുടെ വിജയാഹ്ളാദ പ്രകടനം ആനപ്പുറത്തോളം ഉയര്ന്നു. ശനിയാഴ്ച രാവിലെ 11 ഓടെ ആരംഭിച്ച ആഹ്ളാദ പ്രകടനം വൈകീട്ട് ഏഴിന് പാലാ പാര്ക്കില് സമാപിച്ചു. വാദ്യഘോഷങ്ങളും വെടിക്കെട്ടും ആഘോഷത്തിന് മിഴിവേകി. 20ാം വാര്ഡില് വിജയിച്ച ഷബ്ന അബുലൈസ് പാലക്കാട്ടിന്െറയും ആഹ്ളാദ പ്രകടനം വാര്ഡില് നടന്നു. കെ.പി. ഹൈദ്രോസ് കോയ തങ്ങളെ ആനപ്പുറത്ത് കയറ്റിയാണ് ഗ്രാമം ചുറ്റിച്ചത്. സി.പി.എം, പി.ഡി.പി, ഐ.എന്.എല്, കോണ്ഗ്രസ് പ്രവര്ത്തകര് അവരവരുടെ കൊടികളേന്തിയാണ് ആടിപ്പാടിയത്. പത്തൂര് മാനു, പത്തൂര് ഹുസൈന്, പാട്ടശ്ശേരി ഹുസൈന്, ഫിറോസ് തിരുത്തി, അബ്ദുല് കരീം, പി.പി. മുനീര്, ഫവാദ് പത്തൂര്, മറ്റത്ത് ജസീക്ക്, അബുലൈസ് പാലക്കാട്ട് എന്നിവര് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.