മലപ്പുറം: കൂട്ടിലങ്ങാടി പടിഞ്ഞാറ്റുംമുറിയിലെ നിര്ധന യുവതിയുടെ കിഡ്നി മാറ്റിവെക്കല് ശസ്ത്രക്രിയ സഹായ പദ്ധതിയിലേക്ക് ഒരുദിവസത്തെ വരുമാനം നല്കാന് എട്ട് സ്വകാര്യ ബസുകള് രംഗത്ത്. പരേതനായ ചെമ്പ്രാട്ട് വിജയകുമാറിന്െറ മകള് സുജിതയുടെ (22) ചികിത്സാ സഹായാര്ഥമാണ് മലപ്പുറം-പള്ളിപ്പുറം-മഞ്ചേരി റൂട്ടിലോടുന്ന നാസ്, ക്ളാസിക്, ബി.ടി.എസ്, അഫ്രാദ്, അറഫ, പി.ടി.എന്, പി.ടി.എ, കൂരിമണ്ണില് എന്നീ ബസുകള് ചൊവ്വാഴ്ച സര്വിസ് നടത്തുക. കൂട്ടിലങ്ങാടി പഞ്ചായത്ത് കേന്ദ്രമായി ആതുര സേവന രംഗത്ത് പ്രവര്ത്തിക്കുന്ന സന്നദ്ധ സംഘടനയായ സ്മാര്ട്ടാണ് ഇതിന് നേതൃത്വം നല്കുന്നത്. കോഴിക്കോട് മെഡിക്കല് കോളജില് നവംബര് അവസാനമാണ് സുജിതയുടെ ശസ്ത്രക്രിയ. കഴിഞ്ഞ ഒരുവര്ഷമായി ഇവരുടെ ചികിത്സ സ്മാര്ട്ട് മുഖേനയാണ് നടക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.