പെരിന്തല്മണ്ണ: പെരിന്തല്മണ്ണ-പമ്പ റൂട്ടില് കെ.എസ്.ആര്.ടി.സി ബസ് ഇത്തവണ ഓടിക്കേണ്ടതില്ളെന്ന് സോണല് ഓഫിസില്നിന്ന് നിര്ദേശം. ശബരിമല തീര്ഥാടകര്ക്ക് ഏറെ ഗുണകരമാകുന്നതാണ് പെരിന്തല്മണ്ണയില്നിന്നുള്ള പമ്പ സര്വിസുകള്. വൈകീട്ട് ആറരക്ക് പെരിന്തല്മണ്ണ ഡിപ്പോയില്നിന്ന് തിരുമാന്ധാംകുന്നിലത്തെി ഏഴുമണിക്ക് പമ്പക്ക് പുറപ്പെടുകയും പിറ്റേന്ന് പുലര്ച്ചെ മൂന്നിന് പമ്പയില് എത്തുകയും ചെയ്യുന്ന സര്വിസ് കിലോമീറ്ററിന് 35 രൂപയോളം വരുമാനം ലഭിച്ചിരുന്നതാണ്. ലാഭകരമായ പമ്പ സര്വിസുകള് നിര്ത്തുന്നത് സ്വകാര്യ ബസ് മുതലാളിമാരെ സംരക്ഷിക്കാനെന്ന ആക്ഷേപം ഉയര്ന്നിട്ടുണ്ട്. സര്വിസ് നിര്ത്തുന്നതില് പ്രതിഷേധിച്ച് കെ.എസ്.ആര്.ടി.ഇ.എ പ്രവര്ത്തകര് പെരിന്തല്മണ്ണ ഡിപ്പോ പരിസരത്ത് പ്രകടനം നടത്തി. ടി. മോഹന്ദാസ്, കെ.കെ. രാധാകൃഷ്ണന്, ടി. രാധാകൃഷ്ണന് എന്നിവര് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.