മഞ്ചേരി: പുല്ലഞ്ചേരി വേട്ടേക്കോട് ഭാഗത്ത് സ്വകാര്യ തോട്ടത്തില് മൃഗവേട്ട നടത്തുകയായിരുന്ന മൂന്നംഗ സംഘത്തെ മഞ്ചേരി പൊലീസ് അറസ്റ്റ് ചെയ്തു. വെട്ടേക്കോട് സ്വദേശികളായ അനില് (40), ബാലകൃഷ്ണന് എന്ന ഉണ്ണി (42), കരുവാരത്തൊടി മുഹമ്മദ് മദാരി (60) എന്നിവരാണ് അറസ്റ്റിലായത്. ഇവരില്നിന്ന് ലൈസന്സില്ലാത്ത തോക്കും തിരയും പിടിച്ചെടുത്തു. സ്വകാര്യ തോട്ടത്തില് പകല് മൃഗവേട്ട നടത്തുന്നതായി എസ്.പിക്ക് ലഭിച്ച രഹസ്യ വിവരത്തിന്െറ അടിസ്ഥാനത്തില് സി.ഐയുടെ നേതൃത്വത്തിലുള്ള പ്രത്യേക സംഘം നടത്തിയ പരിശോധനയിലാണ് പ്രതികളെ അറസ്റ്റ് ചെയ്തത്. പ്രതികളില് ചിലര് ഓടി രക്ഷപ്പെട്ടതായി സൂചനയുണ്ട്. അറസ്റ്റിലായ പ്രതികളെ മഞ്ചേരി ഒന്നാംക്ളാസ് ജുഡീഷ്യല് മജിസ്ട്രേറ്റ് കോടതി റിമാന്ഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.