കുറ്റിപ്പുറം: അയല്വാസിയുടെ ബാഗില്നിന്ന് എ.ടി.എം കാര്ഡ് മോഷ്ടിച്ച് പണം കവര്ന്ന പ്രതിയെ പൊലീസ് തന്ത്രപരമായി പിടികൂടി. കുറ്റിപ്പുറം പുഴനമ്പ്രം സ്വദേശിനിയുടെ ബാഗില്നിന്നാണ് അയല്വാസിയായ യുവാവ് എ.ടി.എം രഹസ്യ നമ്പര് സഹിതമുള്ള കാര്ഡ് കവര്ന്നത്. കുറ്റിപ്പുറം ഫെഡറല് ബാങ്ക് എ.ടി.എം ഉപയോഗിച്ച് എസ്.ബി.ടിയുടെ തിരൂര് റോഡിലെ കൗണ്ടറില്നിന്നാണ് കഴിഞ്ഞദിവസം രാത്രി പണം കവര്ന്നത്. ബാഗിലുണ്ടായിരുന്ന പണവും സ്വര്ണവും മോഷ്ടിച്ച് എ.ടി.എം കാര്ഡ് വീടിന് സമീപം ഉപേക്ഷിക്കുകയായിരുന്നു. യുവതി പൊലീസില് നല്കിയ പരാതിയുടെ അടിസ്ഥാനത്തില് എ.ടി.എം കൗണ്ടറിലെ സി.സി.ടി.വി കാമറയില്നിന്ന് ശേഖരിച്ച ഫോട്ടോ സഹിതമാണ് പ്രതിയെ പൊലീസ് വലയിലാക്കിയത്. നേരത്തേ പ്രതിയെ സംശയമുണ്ടായിരുന്നെങ്കിലും ബാങ്കില്നിന്ന് സി.സി.ടി.വി ഫോട്ടോ ലഭിക്കുന്നത് വരെ കുറ്റിപ്പുറം എസ്.ഐ ജോസ് കുര്യനും സംഘവും പ്രതിയെ രഹസ്യമായി നിരീക്ഷിച്ച് വരുകയായിരുന്നു. തുടര്ന്ന് കസ്റ്റഡിയിലെടുത്ത് ചോദ്യം ചെയ്തതോടെ പ്രതി കുറ്റം സമ്മതിക്കുകയായിരുന്നു. ബുധനാഴ്ച അറസ്റ്റ് ചെയ്ത് പ്രതിയെ കോടതിയില് ഹാജരാക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.