കൊണ്ടോട്ടി: വോട്ടര്പട്ടിക വിവാദത്തില് സസ്പെന്ഷനിലായ സെക്രട്ടറിയെ തിരിച്ചെടുക്കാന് നഗരസഭ തയാറാവുന്നു. കൊണ്ടോട്ടി നഗരസഭയില് ലീഗിന് അനുകൂലമായി വോട്ടര്പട്ടികയില് ക്രമക്കേട് കാണിച്ചെന്ന ആരോപണത്തില് സസ്പെന്ഷനിലായ ആരിഫിനെ തിരിച്ചെടുക്കാന് ശിപാര്ശ ചെയ്യണമെന്ന ഇദ്ദേഹത്തിന്െറ അപേക്ഷയിലാണ് ആരും തടസ്സമുന്നയിക്കാതിരുന്നത്. കഴിഞ്ഞ നഗരസഭാ യോഗത്തിലാണ് ഇദ്ദേഹം കത്ത് നല്കിയത്. സി.പി.എം-കോണ്ഗ്രസ് പാര്ട്ടികളുടെ കടുത്ത പ്രതിഷേധത്തിനൊടുവില് ജില്ലാ കലക്ടര് നഗരസഭാ കാര്യാലയത്തിലത്തെി പരിശോധന നടത്തി ക്രമക്കേട് കണ്ടത്തെുകയായിരുന്നു. ഇരു പാര്ട്ടികളും രാവിലെ മുതല് രാത്രി വരെ പഞ്ചായത്തില് കുത്തിയിരിപ്പ് സമരം നടത്തിയതിനൊടുവിലാണ് സെക്രട്ടറിയെയും അസിസ്റ്റന്റ് സെക്രട്ടറിയെയും സസ്പെന്ഡ് ചെയ്തിരുന്നത്. കോണ്ഗ്രസും സി.പി.എമ്മുമാണ് ഇപ്പോള് നഗരസഭ ഭരിക്കുന്നത്. കത്ത് കൗണ്സിലിന് മുന്നിലത്തെിയപ്പോള് ലീഗും ഭരണസമിതിയും അദ്ദേഹത്തിന്െറ ആവശ്യത്തോട് യോജിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.