കൊടുവള്ളി: നഗരസഭയിലെ സൗത്ത് കൊടുവള്ളി, തലപ്പെരുമണ്ണ എന്നിവിടങ്ങളിൽ കോഴിക്കോട് എക്സൈസ് എൻഫോഴ്സ്മൻെറ് ആൻഡ് ആൻറി നാർക്കോട്ടിക് സ്പെഷൽ സ്ക്വാഡ് നടത്തിയ പരിശോധനയിൽ 14.4 കിലോയോളം തൂക്കം വരുന്ന നിരോധിത പുകയില ഉൽപന്നങ്ങൾ പിടികൂടി. വെള്ളിയാഴ്ചയായിരുന്നു സംഭവം. കൊടുവള്ളിയിലും പരിസര പ്രദേശങ്ങളിലും കടകളിൽ ലഹരി വസ്തുക്കൾ വിൽക്കുന്ന സംഘങ്ങൾ പ്രവർത്തിക്കുന്നതായുള്ള രഹസ്യവിവരത്തിൻെറ അടിസ്ഥാനത്തിൽ എക്സൈസ് ഇൻസ്പെക്ടർ ജിജോ ജെയിംസിൻെറ നേതൃത്വത്തിൽ നടത്തിയ പരിശോധനയിലാണ് പുകയില പിടികൂടിയത്. നിരോധിത ലഹരി വസ്തുക്കൾ കൈവശം വെച്ചവരുടെ പേരിൽ കേസെടുത്ത് പിഴ ഈടാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.