താമരശ്ശേരി: കടകളില്‍ കവര്‍ച്ച നടത്തുന്ന രണ്ടുപേരെ താമരശ്ശേരി പൊലീസ് അറസ്റ്റ് ചെയ്തു. ഈങ്ങാപ്പുഴ കക്കാട് പുതുപ്പറമ്പില്‍ ഷഹനാദ് (20), കാസർകോട് ഹോസ്ദുര്‍ഗ് നസീമ ക്വാർട്ടേഴ്‌സില്‍ അലാവുദ്ദീന്‍ (44) എന്നിവരെയാണ് എസ്.ഐ സായൂജ്കുമാറിെൻറ നേതൃത്വത്തിലുള്ള പൊലീസ് സംഘം പിടികൂടിയത്. ആഗസ്റ്റ് മൂന്നിനായിരുന്നു മോഷണം നടത്തിയത്. കാരാടി ഭാരത് പെട്രോള്‍ പമ്പ് ഓഫിസില്‍ സൂക്ഷിച്ച 500 രൂപയും വിദേശ കറന്‍സികളും കവര്‍ന്നത് ഷഹനാദാണെന്ന് ചോദ്യം ചെയ്യലില്‍ പൊലീസിനോട് പറഞ്ഞു. ഇക്കഴിഞ്ഞ ആഗസ്റ്റ് 17ന് കാരാടി പുതിയ ബസ്സ്റ്റൻറ് പരിസരത്തെ കമ്പ്യൂട്ടര്‍ സെൻററില്‍നിന്ന് 20,000 രൂപയും ഒരു ലാപ്‌ടോപ്, സ്മാർട്ട്ഫോണ്‍ എന്നിവ മോഷ്ടിച്ചതും ഷഹനാദാണെന്ന് പൊലീസ് പറഞ്ഞു. കോഴിക്കോട് സിവില്‍ സ്‌റ്റേഷന്‍ സമീപത്തെ സ്റ്റുഡിയോയുടെ പൂട്ട് പൊളിച്ച് കാമറ കവര്‍ന്ന കേസിലും സിവില്‍ സ്‌റ്റേഷനടുത്തു തന്നെയുള്ള കടയില്‍നിന്ന് ലാപ്‌ടോപ് കവര്‍ന്നതും ഇരുവരും ചേര്‍ന്നാണ്. താമരശ്ശേരി കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.